YY借來3月的號外,看到徐濠縈的訪問,不禁有個想法 – 此姝命水真好。

「其實我細細嗰到入行做嘢,已經好鍾意買衫。到後來誤打誤撞入咗行拍戲,都從來冇鑽研過點樣演好一個角色,亦甚少去戲院睇戲,反而就好鍾意揭時裝書,好鍾意行街睇衫,就算細個冇咁多錢買,都鍾意睇,搵到幾多就使幾多買衫。我由19歲開始拍電影,跟住拍電視,從來都無心在演戲方面鑽研,到27歲決定唔DO,唔做娛樂圈,想搵關於,唔好話時裝,起碼係同衫有關嘅工作。有諗過係咪應該做STYLING,或者做BUYER,就嘗試埋唔同嘅堆,或者經唔同嘅朋友和公司去試下,又或者EASON都有機會俾我試下。總之由27歲到我生BB,即喺30歲嘅時候,都係響呢個方面撞緊,嘗試搵一條出路。

直到我囡囡大咗,我同DOROTHY(時裝店LIGER的合夥人)傾過,其實要我幫人打工好難,要返工。27歲到30歲嗰幾年試過幫家偉的IT手,但可惜好短時間,我又大咗肚。我覺得我未必係啱返公司坐嘅人,嗰時佢類似話我係CONSULTANT,其實我覺得佢哋冇咁嘅POST,或者係STYLIST,我都唔記得我個名係咩,只係短短幾個月,同佢地出一個TRIP,我就已經大咗肚,所以就冇成事。然後我唸咁應該點呢?我識咗DOROTHY好耐,我又好欣賞佢啦!以圈外人計,我比較夾啲嘅就係佢啦!咁就決定一齊開舖頭,就咁就開始咗。

開舖頭之前,我又冇好刻意去鋪排,但有時都會出席一啲FASHION SHOW同一啲跟時裝有關嘅EVENT,而訪問都盡量推晒同娛樂有關嗰啲,只係FOCUS ON同衫有關,或者同LIFESTYLE有關嘅。積埋到我開舖嘅時候,啲人就覺得當時係我事業嘅開始。其實我冇諗過係咁遲開始,亦都冇諗到細個買衫會成為CAREER。我又唔係好處心積慮咁做,只係慢慢行慢慢諗,只係鍾意就做,係時機就做。」

(按此看整段訪問)

我不懂時裝,對潮流無甚觸角,但也知道徐濠縈是本市其中一位fashion icon。徐在訪問中頗強調並沒有太刻意安排自己的事業,也許是想帶出她的青雲路是自然而然地走出來, 她的潮流觸角是渾然天成。 但我的讀後感卻是她今時今日的地位幾乎「得來全不費功夫」。年輕時拍劇拍電影「從來冇鑽研過點樣演好一個角色」, 毅然轉投時裝行業,「試過幫家偉的IT手」,職位是什麼已忘得一乾二淨, 似乎當時她自己也不太清楚工作的性質是什麼。這樣懵懵懂懂幾年, 她就成今天fashion icon了, 當然當中有很多枝節不足為外人道, 不過她自己在訪問中也直言到現在還是「沒有甚麼明確的目標和方向」。女人都是貪心的, 有美滿家庭之餘也想有份不用太辛苦的事業以證自己的能力,或把自己與師奶區別出來。徐有(經濟上和情感上)支持她的丈夫,有女兒,有「鍾意就做,係時機就做」的事業,有錢買衫買鞋買手袋又不用淪為生仔機器, 女人一生想要的東西她都幾乎有齊了,你說是不是好命水過千億新抱?