有人整天嚷著要減去腰間贅肉,上星期到了麥當勞打算點個沙律來一個清淡午餐,他在電話中如是說。 

我:「那後來呢?」我知道必有下文, 他怎能忍受一餐無肉。 

他:「咁我去到發覺套餐可以將薯條轉成迷你沙律,那我當然不會散叫一個沙律咁蝕底啦。」 

我:「你最後叫左個咩套餐呀?」 

他: 「唉,點知我又發現有特價包喎, 9蚊一個豬柳漢堡,咁係咪一定要買先? 咁買左個包,個套餐就唔可以再要包,我咪點左個雞翼餐囉。」 

我:「咁即係想減肥既你由本來食一個好清淡既沙律午餐變成豬柳漢堡+炸雞翼+細沙律?」 

他:「係呀,我覺得麥當勞好識摸索顧客既psychology,我最後o係佢地度駛左40幾蚊。你話佢地係咪好奸先?」 

我: 「咁麥當勞叔叔無用槍指住你架喎….」是你貪小便宜就真! 

他:「你可唔可以o係你個blog度寫篇關於麥當勞點利用顧客既psychology啊?」 

我:「好啊。」

 拿,係你叫我寫架咋。 

早已提你: 不為了慳一個幾毫而點套餐,情願a la carte只點自己想吃愛吃的 (或應該吃的)。